ބާޣީ ސަރުކާރުން ދެކޭގޮތުގައި ޑިގްރީއެއް ނެތް ކޮންމެ ސިފައިންގެ މީހަކީ މީހެއް ނޫން.

ބަޣާވަތް ތަހުގީގު ކުރުމަށް އުފެއްދި ކޮމިޝަނަށް އެމްޑީޕީއިން ހުށަހަޅާ ކޮންމެ ނަމެއް ކާޅު ވަހީދުގެ ސަރުކާރުން ދަނީ ބޭރުކުރަމުންނެވެ. މިމައްސަލާގެ އެއްފަރާތުގައި ބަޣާވަތުގެ ސަރުކާރު އޮތްއިރު މައްސަލަ ތަހުގީގު ކުރުމަށް އަމިއްލައަށް ކޮމިޝަނެއް އުފައްދައި އެ ކޮމިޝަނަށް ބާޣީންނަށް ވަފާތެރި މީހުން އެކަނި ލައިގެން ތަހުގީގު ކުރުމަކީ ހަމަޖެހޭ ކަމަކަށް ނުވާއިރު ކާޅު ވަހީދުމެން މިދައްކާ ވާހަކައިގެ މާބޮޑު އުރައްޕެއް ހުރިކަމަކަށް ނުފެނެއެވެ.

އެބީދައިން އެކޮމިޝަނުގެ މެމްބަރެއްގެ ގައިހުރުމަށް ބާޣީ ސަރުކާރުންވަނީ ޝަރުތުތަކެއްވެސް އަމިއްލައަކަށް ކަނޑައަޅާފައެވެ. އެ ޝަރުތު ތަކުގެ ތެރޭގައި ޑިގްރީއެއް އޮތުމާއި މުޖުތަމަޢު ބަލައިގަންނަ މީހަކަށްވުން ހިމެނެއެވެ. މިކޮމިޝަނުގެ އިސް މީހަކަށް އިސްމާޢީލް ޝަފީޢު ހަމަ ޖެއްސިއިރު މީނާއަކީ މުޖުތަމަޢުން ކިހާވަރަކަށް ގަބޫލު ކުރާ މީހެއް ކަމާމެދުވެސް ސުވާލު އުފެދެއެވެ. ދިވެހި އެތަކެއް ރައްޔިތުންނަކަށް އަނިޔާކޮށް ލޭބޯލި މަދިރި މައުމޫނުގެ ވެރިކަމުގައި ހިންގި ބޮޑެތި އެތަކެއް ޖަރީމާތަކެއް ހިންގުމުގައި ޝަފީޢުވަނީ އަމަލީގޮތުން ބައިވެރިފައެވެ. އެއީ ހޯމް މިނިސްޓަރަކަށް އަދި ޑިފެންސް މިނިސްޓަރަކަށް ހުރެގެންނެވެ. އެކަމަކު މައްސަލައެއް ނެތެވެ. މުޖުތަޢުން ގަބޫލު ނުކުރިޔަސް ބާޣީން ގަބޫލު ކުރީމަ ނިމުނީއެވެ.

އެންމެ ފަހުން އެންޑީޕީއިން ކޮމިޝަނަށް ހުށަހެޅި ސިފައިންގެ އިސް ބޭފުޅެއް ކަމަށްވާ ލެފްޓިނަންޓް ކާނަލް ޒުބެއިރަކީ ޑިގްރީއެއް ނެތް ތަޢުލީމެއް ނެތް އަދި މުޖުތަމަޢުން ގަބޫލު ނުކުރާ ބޭފުޅެކޭ ބުނެ ބަހަނާ ދައްކައި ސަރުކާރުންވަނީ އެނަން ގަބޫލުނުކޮށްފައެވެ.

ބާޢީ ސަރުކާރުން ލެފްޓިނަންޓް ކާނަލް ޒުބެއިރަކީ ތަޢުލީމެއް ނެތް މީހެކޭ ބުނުމާ ގުޅިގެން ސިފައިންގެ ތެރޭގައި ގިނަ ބަޔަކު ބާޣީ ވަހީދާމެދު ހިތްހަމަ ނުޖެހުން ފާޅުކުރަމުން އެބަދެއެވެ. ވަހީދު ސަރުކާރުގެ މިނިންމުން އައިގޮތާއި ގުޅިގެން ހިތްހަމަނުޖެހޭ އޮފިސަރުން ހާމަކުރާގޮތުގައި ސަރުކާރުގެ މިނިންމުމުގެ ދެވޭ މެސެޖަކީ ސިފައިންނާމެދު ބާޣީ ސަރުކާރުން ދެކެނީ އެއްވެސް ތާކުންކުރެ ތާކު ނުޖެހޭ ބީތާއިން ތަކެއްގެ ގޮތުގައި ކަމަށެވެ. އަދި ތަޢުލީމީ ޤާބިލު މީހަކަށް ވާން ކޮންމެ މީހެއްގެ ނަމުގެ ކުރިއަށް ޑރ. އަންނަން ނުޖެހޭ ކަމަށްވެސް އެމީހުން ބުނެއެވެ. ޑިގްރީޢެއް ހާސިލު ކުރުމަށްވުރެ އުނދަގޫ އަދި ބުރަ ތަމްރީނުތަކެއް ހަދާފައިވާ އަދި އެތަކެއް އަހަރުތަކެއް ވަންދެން އަމާނާތްތެރިކަމާއި ފަރުވާތެރިކަމާއެކު ޤައުމަށް ޚިދުމަތް ކުރުމުގައި ދެމިތިބި ގިނަ އަދަދެއްގެ ސިފައިންނެއްގެ އަގު ސަރުކާރުން ވައްޓާލާފައިވާ ކަމަށްވެސް އެމީހުން ބުނެއެވެ.

މިސަރުކާރަކީ ތަޢުލީމީ މީހުން ގިނަ ސަރުކާރެކޭ ބުނެ ދަޢުވާ ކޮށް ހަދާއިރު އެއީ ހަމައެކަނި ރައްޔިތުން އޮޅުވާލުމަށްޓަކައި ދައްކާ ވާހަކަތަކެއް ކަންވެސް ފާހަގަ ކޮށްލަންޖެހެއެވެ. އެގޮތުން ރާއްޖޭގެ އެންމެ މުހިއްމު މިނިސްޓްރީތަކުގެ ތެރޭގައި ހިމެނޭ ޓޫރިޒަމް މިނިސްޓްރީ ހަވާލުކޮށްފައިވަނީ ތަޖުރިބާއެއް ނެތް އަދި އިޤްތިސާދީ މީހަކަށް އަމިއްލައަށް ވެގަނެގެން އުޅޭ ރޯނުއެދުރު އަދީބާއެވެ. ހޯމް މިނިސްޓަރުކަން ހަވާލު ކޮށްފައިވާ ޑރ. ޖަމީލަކީ އެނާ އުފަންވި ފުވައްމުލަކުން ގަބޫލު ނުކުރާ އަދި އެތަކެއް އަންހެނުނާއި ނަހަމަ ގޮތުގައި ގުޅުން ބާއްވާ މީހެކެވެ. އިސްލާމިކް މިނިސްޓްރީ ހަވާލުކޮށްފައިވާ ޝަހީމަކީ އެތަކެއް އަންހެނުން ކުދިންނަކާއި ގުޅުން ބޭއްވުމަށް މަސައްކަތް ކުރާ އަދި މިނިސްޓަރު ކަމުގައި ހުރެގެން ޒަކާތު ފައިސާ ނަހަމަ ގޮތުގައި ބޭނުން ކުރަމުންދާ ކޮރޮޕް މީހެކެވެ. ފޮރިން މިނިސްޓްރީގެ ސްޓޭޓް މިނިސްޓަރުކަން ދީފައިވާ ދުންޔާ މައުމޫނަކީ ސިއްރުން ވައިން ހިއްޕަވާ ކަނބުލޮއެކެވެ. އިމިގްރޭޝަން މިހާތަނަށް ހަވާލުކޮށްފައި ހުރި އިލްޔާސްގެ ވާހަކަ އިތުރަށް ދެއްކުމުގެ ބޭނުމެއް ނެތެވެ. ފިޝަރީން މިނިސްޓްރީގެ ނައިބުކަން ދީފައިވާ ސޯލިހަކީ ތަޢުލީމީ ފެންވަރެއްނެތް އަދި އާއްމު ތަންތަނާއި ތަކެއްޗަށް ހަމަލާ ދީފައިވާ ސޯލިހެވެ. ނޭޝަނަލް ޑިޒާސްޓަރ މެނޭޖްމަންޓް ސެންޓަރާއި ސްޓޭޓް މިނިސްޓަރު ލެވެލްގައި ހަމަޖައްސާފައިވާ ބޮނޑިބަތް ޖަމީލުގެ ބެސްޓް ފްރެންޑް މަނިކަކީ އިނގިރޭސިވިލާތުގައި ވަގު ވިސާއެއްގައި އުޅެ ވަގު މާސްޓަރސް ސެޓިފިކެޓެއް ހަދައިގެން ހުރި ރަނގަޅަށް އިނގިރޭސި ބަހުން ވާހަކަ ދައްކަން ނޭނގޭ މީހެކެވެ.  މިކަހަލަ އެތަކެއް މިސާލުތަކެކެވެ.  

ވީއިރު މާތޯހިރު ތަޢުލީމީ ހެޔޮލަފާ ބަޔަކަށް ވެގަނެގެން ނޭޝަނަލް އެންކުއަރީ ކޮމިޝަނަށް އެމްޑީޕީއިން ފޮނުވާ ނަންތައް އެޔެކޭ މިޔެކޭ ކިޔައި ބޮލާލާ މިޖަހަނީ އެ ކޮމިޝަން މިނިވަންވެ މިބައިގަނޑު ބޭޒާރުވެދާނެތީ އެކަމާ ގަންނާ ކުރައްވާ ބިރަކުން ނޫނީ ވަކި ކީއްވެތޯއެވެ.