ރާއްޖޭގެ ތާރީޚުގައި ގިނަ ޕާޓީތައް އެކުލެވޭ ފުރަތަމަ ރިޔާސީ އިންތިޚާބު ބޭއްވޭނެ ތާރީޚަކީ 8 އޮކްޓޫބަރު 2008 ވާ ބުދަ ދުވަސްކަމުގައި އިލެކްޝަންސް ކޮމިޝަނުން އަންގާރަދުވަހުގެ ރޭ އިއުލާނު ކުރައްވައިފިއެވެ.

މިކަމާ ގުޅިގެން އަންނަ ރިޔާސީ އިންތިޚާބުގައި ވާދަ ކުރާ ކެންޑިޑޭޓުން އެކަމަށް އެދި 21 ސެޕްޓެމްބަރު 2008 ގެ ކުރިން އިންތިޚާބުގެ ގާނޫނާއި ގަވާއިދުގައިވާ ލިޔުންތައް ހުށަހެޅުމަށް ވެސް އެކޮމިޝަނުން ހުޅުވާލާފައި ވެއެވެ.

އިލެކްޝަންސް އޮފީހުގެ އިއުލާން ބުނާ ގޮތުގައި ވޯޓުލުން ހަމަޖެހިފައިވަނީ 8 އޮކްޓޫބަރ 2008 ވާ ދުވަހުގެ ހެދުނު 9.00 އިން ރޭގަނޑު 8.00 ގެ ނިޔަލަށެވެ. އަދި އެރޭ 9.00 ވޯޓު ގުނަން ފެށޭނެކަމަށާއި ނަތީޖާ އިއުލާން ކުރާނީ 9 އޮކްޓޫބަރ 2008 ވާ ބުރާސްފަތި ދުވަހުގެ ރޭ 11.30 ގައި ކަމަށްވެސް ހަމަޖެހިފައިވެއެވެ.

މިއަހަރުގެ ރިޔާސީ އިންތިޚާބުގައި އަމިއްލަ ރަށްނޫން ރަށެއްގައި ވޯޓުލާނަމަ، ވޯޓު ލުމަށް ރަޖިސްޓަރީ ކުރުމުގެ އިންތިޒާމް ވަރަށް ފުރިހަމަ ގޮތެއްގައި ހަމަޖައްސަވާނެކަމަށް އިންތިގާލީ އިލެކްޝަންސް ކޮމިޝަނުން ވިދާޅުވެއްޖެއެވެ.

ރިޔާސީ އިންތިޚާބު ބާއްވާނެ ދުވަހެއް އިއުލާން ކުރުމަށްޓަކައި އަންގާރަދުވަހުގެ ރޭ ދަރުބާރުގޭ ފަންސަވީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އެކޮމިޝަންގެ ރައީސް މުހައްމަދު އިބްރާހީމް ވިދާޅުވީ އަމިއްލަ ރަށް ނޫން ރާއްޖޭގެ އެހެން ރަށެއްގައި ދިރިއުޅޭ މީހުން ވޯޓު ލުމަށް ރަޖިސްޓަރީ ކުރާ އުސޫލުން ރާއްޖެއިން ބޭރުގައި ބަހައްޓާ ފޮށިތަކަށް ވޯޓުލާމީހުންވެސް ރަޖިސްޓަރީ ކުރަންޖެހޭނެކަމަށެވެ. އަދި ރަޖިސްޓްރޭޝަން ކުރުމަށް ވަރަށް އަވަހަށް އިއުލާން ކުރުމަށް ހަމަޖެހިފައިވާއިރު، މީޑިޔާއާއި އާންމު ފަރުދުންގެ ފަރާތުން ރާއްޖެއިން ބޭރުގައި ތިއްބެވި ފަރާތްތަކަށް މިމައުލޫމާތު އަންގަވަމުން ގެންދިއުމަކީ ކޮމިޝަންގެ ވަރަށް ބޮޑު އެދިލެއްވުމެއްކަމަށްވެސް އެބޭފުޅާ ވިދާޅުވިއެވ.

މިއަހަރުގެ ރިޔާސީ އިންތިޚާބުގައި ވާދަ ކުރައްވާ ބައެއް ކެންޑިޑޭޓުން އިންތިޚާބުގައި ވާދަ ކުރައްވަނީ އިސްލާހަށް އޮތް ވޯޓު ބައިބައިކުރުމަށް ކަމަށް އެމްޑީޕީގެ ރިޔާސީ ކެންޑިޑޭޓް މުހައްމަދު ނަޝީދު (އަންނި) ވިދާޅުވެއްޖެއެވެ. މ. ދިއްގަރުގައި ހޯމަދުވަހުގެރޭ ބޭއްވި ޖަލްސާގ...

އެމްޑީޕީގެ ކުރީގެ ރައީސް ޑރ.މުނައްވަރު ޖުމުހޫރީ ޕާޓީއާ ގުޅިވަޑައިގެންނެވުމަށްފަހު މަހެއް ނުވަނީސް އޭނާގެ މައްސަލަތައް ފެންމަތިވެ ހޫނުވާން ފަށައިފި އެވެ. މިގޮތުން 12 ސެޕްޓެމްބަރުން 14 ސެޕްޓެމްބަރުގެ ނިޔަލަށް ޖުމުހޫރީ ޕާޓީގެ ފަރާތުން އައްޑު އަތޮޅަށާއި ޏ.ފުވައްމުލަކަށް ކުރި ދަތުރުގައި 19 އޮގަސްޓްގައި ޖުމުހޫރީ ޕާޓީއަށް ގުޅިވަޑައިގެންނެވި ޑރ.މުނައްވަރު ބައިވެރި ވެފައެއް ނުވެއެވެ.

ދިއެފްއެމް އިން 12 ސެޕްޓެމްބަރު 2008 ވީ ހުކުރު ދުވަހު ގެނެސްދިން ރިޔާސީ ރޭސް ޕްރޮގްރާމާއި ގުޅުވައިގެން މިއަހަރުގެ ރިޔާސީ އިންތިޚާބަށް ކުރިމަތި ލައްވާނެކަން ހާމަ ކުރައްވާފައިވާ ކެންޑިޑޭޓުންގެ މެދުގައި ކުރިއަށް ގެންދިޔަ ޕޯލްއިން އެމްޑީޕީގެ ރިޔާސީ ކެންޑިޑޭޓް މުޙައްމަދު ނަޝީދު (އަންނި) ބޮޑުތަފާތަކުން ކުރި ހޯއްދަވައިފިއެވެ. ޖުމުލަ 9797 އެސްއެމްއެސް ލިބުނު މިޕޯލްގައި އަންނި އަށް ލިބުނީ 3969 (40.5%) އެސްއެމްއެސްއެވެ. މިޕޯލްއިން ދެވަނަ ލިބުނީ މިހާރުގެ ރައީސް މުއުމޫން އަބްދުލް ޤައްޔޫމް އަށެވެ. މައުމޫނަށް ލިބުނީ 2362 (124%) އެސްއެމްއެސް އެވެ. ތިންވަނަ ލިބިވަޑައިގެންނެވި ޑރ.ހަސަން ސައީދަށް ލިބުނީ 2341 (23.8%) އެސްއެމްއެސް އެވެ.

ެ އެމް.ޑީ.ޕީ އާއި ޑީ.އާރު.ޕީ އާއި ޕީ.އޭ އާއި މި 03 ޕާޓީ ގުޅިގެން މި އަންނަ ރިޔާސީ ރޭހުގައި މަސައްކަތް ކުރަން ނިންމައިފި ކަމަށާއި، އަދި މިގޮތުން މިޕާޓީގެ އެންމެހާ މެންބަރުން އަމަލު ކުރުމަށް އިލްތިމާސް ކުރާކަމަށް މި ޕާޓީގެ ނަމުގައި ބަޔަކު އަމިއްލައަށް ނޫސްބަޔާނެއް ހަދާއިގެން ނެރެ މިޕާޓީއާއި ގުޅޭ ގޮތުން ހަޤީޤަތާއި ޚިލާފް ވާހަކަ ތަކެއް ފެތުރުމަށް މަސައްކަތް ކުރަމުން އެބަދެއެވެ.

އެމް.ޑީ.ޕީ އަކީ ވަރަށް ހާމަކަން ބޮޑުގޮތެއްގައި ރައްޔިތުންގެ ލާބައާ މަންފާއަށް މަސައްކަތް ކުރަމުންދާ ޕާޓީއެކެވެ. އަދި މިޕާޓީއިން އެހެން ޕާޓީތަކާއި ގުޅިގެން ޤައުމީ އެއްބައިވަންތަކަމުގެ ގުޅުމުގެ ނަމުގައި ޕާޓީތަކުގެ މެދުގައި އިއްތިހާދުވެ މަސައްކަތް ކުރިއިރުވެސް މިކަންކޮށްފައިވާނީ ވަރަށް ހާމަކަންބޮޑު ގޮތެއްގައި މީޑިއާއަށްވެސް މިމައުލޫމާތު ދެމުންނެވެ.

މި ޕާޓީއާއި މެދު ހަޤީޤަތާ ޚިލާފް ވާހަކަ ދައްކާ ހެދުމަކީ މިޕާޓީއިން އަލަށް ތަހައްމަލް ކުރާކަމެއް ނޫނެވެ. ވުމާއިއެކު މިފަދަ ހަޤީޤަތާ ޚިލާފް ވާހަކަ މިޕާޓީއާއިމެދު ފަތުރާ ފަރާތްތަކުގެ ސަމާލުކަމަށް ދަންނަވަން އޮތީ މިޕާޓީއާއި މިޕާޓީގެ މެންބަރުންގެ އަޒުމްއާއި އެކުވެރިކަން ތިހެން ނެރެލާ ނޫސްބަޔާންނަކުން ނުގުޑާނެއެވެ.މާތްﷲ ދިވެހި ރައްޔިތުންނަށް ހެޔޮ ރަހްމަތް ލައްވާށީއެވެ. އަދި މިބަރަކާތްތެރި ރަމަޟާންމަހު މިފަދަ ނުބައިކަންތައް ކުރާމީހުންނަށް މިފަދަ ނުބައި އަމަލުތަކުން ދުރުހެލިވެ ހެޔޮވިސްނުން ދެއްވުމަށް ދުއާ ކުރަމެވެ. އާމީން.